 |
Wir wünschen frohe Weihnachten im Kreise Ihrer Liebsten und alles Gute für 2017!
Der Vierzeiler-Adventkalender entstand als Gemeinschaftsprojekt unserer Internetredaktion und der Autorinnen und Autoren der Dialektplattform. Die Vierzeiler wurden aus den Einsendungen der Ausschreibung 2016 ausgewählt.
Für die zahlreichen Vierzeiler-Einsendungen bedanken wir uns recht herzlich. Die Krippe im Bild wurde von der Krippenbauerin Margit Hinterholzer aus 4911 Tumeltsham für Ihre Tochter als Heimaterinnerung angefertigt. Foto: Herbert Klein.
Fenster schließen
|
1. Dezember 2016
A Sunnstrohl weit weg
scheint mittn ins Gsicht,
er warmt d´Söl, er warmt ´s Herz
is fedaleicht, hot koa Gwicht.
Angela Michaela Hopf, 4600 Wels
2. Dezember 2016
Vanilleduft und Kerzenschei
da Advent ladt uns wieda ei
Freid und Friedn im Herzn tragn
Zeit schenga und Daungsche sagn.
Gabriele Geyer, D-94152 Neuhaus am Inn
3. Dezember 2016
A Liacht
A Liacht anzündn
zu sich sölba findn,
bis zum Ausblosn
in sich einilosn!
Maria Anna Andetsberger, 4910 Ried im Innkreis
4. Dezember 2016
barbarazweigal
wos kau so a klans unschuidigs
Kirschzweigal dafir
waun se wieda kana findt
der s' heiratn wü
Eveline Mateju, 4048 Puchenau
5. Dezember 2016
Genauso wia vua vülö Joahr
a Poar af Heabeagsuache woar,
kemman min Tod bedrohte Leit,
suachn vazweiföt Heabeag heit.
Wilhelm Fischer, 4650 Lambach
6. Dezember 2016
A Kerz´n de so hell und stü brennt
stimmt mi ei aufn Advent.
Leuchtn soll s ma Tag und Nacht
is mei Liacht - des Muat und Hoffnung Macht
Sieglinde Brandstetter, 4322 Windhaag
7. Dezember 2016
Kemmt´s zuwa, kemmt´s eina
sitz ma in´s zaum
zünd ma a Licht an
und redn in Gott´s naum
Ludmilla Kapfer, 4212 Neumarkt/Mkr.
8. Dezember 2016
Oamal an "oan" Strang ziahgn
mitanand statt gegnanand
und hinkemma wosd` hinwillst
waar des net himmlisch
Herbert Köppl, 4240 Freistadt
9. Dezember 2016
Sche wa's, waunns oiweu bleibat
so, wia zua Weihnochtszeit
waunn ma ins Heaz si schreibat
das d'Nextnliab befreit...
Gabriela Sumper, 4040 Linz
10. Dezember 2016
Über Feld und Flur
liegt a bsund‘re Ruah,
d Welt macht si bereit,
für die Ankunftszeit.
Franz Meingassner, 4910 Ried i. I.
11. Dezember 2016
Advent is, waunn a jeda rennt
und in dö G’schäfta recht vül brennt
weil er die Freid gar nimma kennt
wia schen’s is, waunn a Kerz’n brennt.
Josef Buchner, 4221 Steyregg
12. Dezember 2016
Wons stad wiad am End vo an schen Joah,
geh i ön Woid, da wiad ma kloa,
i ho weid zvü, es geht ma guat,
und do - für teuri Gschenka fehlt ma da Muat!
Paul Jaeg, 4824 Gosau am Dachstein
13. Dezember 2016
Da Franz hat an Wunsch:
A zweits Glasl Punsch,
ah s dritte wurdt laa,
selbst a vierts tringada - wanns wá!
Gertraud Felix, 4906 Eberschwang
14. Dezember 2016
A Tür geht auf, wie wunderbår.
Dort wo koa Hoffnung nimmer wår,
dort kånnst an Spålt broat Liacht hiazt sehgn –
es is a Weihnåchtswunder g´schehgn.
Karl Hackl, 4283 Bad Zell
15. Dezember 2016
Advent 2016
Es ist wieder amoi soweit, Advent a ganz besondere Zeit
gspürn tuast a inneren Ruah, sche langsam schlaft de Natur
übern Wald liegt a Schleier so mystisch und zart
a Kind in da Stubn scho auf Weihnachtn wart
Elisabeth Hradil, 4650 Lambach
16. Dezember 2016
"Der Christbam der is nimmer in"
wem foit denn so a Bledsinn ei'?
Des macht ja überhaupt koan Sinn,
wia soin si 'd Kinder da nu gfrei'?
Herbert Scheibl, 4840 Vöcklabruck
17. Dezember 2016
Wanns stürmt und schneibt
A jeda gern dahoam bleibt
Is s`Wetta wieda schena
Kinna ma eh wieda ausse renna
Gaby Grausgruber, 4942 Gurten
18. Dezember 2016
Waunn leichtn oi Kerzn,
machts auf eure Herzn,
lassts Friedn einkehrn,
und Weihnachtn werdn.
Elisabeth Holl, 4600 Wels
19. Dezember 2016
Weihnåchtn is, wånn vü Liachter brennan,
åls Schwestern und Brüader sih Menschn erkennan,
wånn da Håss überwundn und Friedn kehrt ein,
då kimmt da gleih vür, es muass Weihnåchtn sein.
Gertrud Lahnsteiner, 4802 Ebensee
20. Dezember 2016
so stü iss im weuid
s'Christkindl kimmt beuid
seid's jetzt muksmeislstü
a jeds Gschroa wa jetzt z'vü
Peter Paul Wiplinger, Wien
21. Dezember 2016
Weiße Weihnachtn?
Unterm Schlittn pickt de Wiesn,
nirgns a Schnee vom Himmelstor,
wia a Schwimmbad ohne Fliesn
kimmt mir Weihnachtn scho vor!
Monika Krautgartner, 4911 Tumeltsham
22. Dezember 2016
Advent, Advent
ålla Keks varbrennt
Iatz muass i zun Adventmårkt laffn
selbergmåchte Keks vu die Bairinnen kaffn.
Veronika Schneider, 6170 Zirl
23. Dezember 2016
Des Joahr geht wieda zEnd,
host mih heia recht vawendt,
schau ah im Neichn wieda recht auf mih,
Herrgott ih dank da hin und hin.
Roswitha Pogotz, 4690 Rüstorf
24. Dezember 2016
A Weihnachtsmusi, vü Hoamlichkeit,
a Glockerl läut: Jetzt is soweit!
Mitten im Zimmer a großer Bam,
mit Kugeln und Kerzn, ois funkelt – a Tram!
Elfriede Gattringer, 4210 Gallneukirchen