"`s Fruihjoahr"
  von Maria Mülleder

Ih gfreu mih üwa `s Fruihjaohr
weil `s vorher so laung koit woar.
Woarm is `s endlih woarn im März
seither is ma leicht ums Herz.

Ih gspür `s gribbln in mein Gmüat
das ´s zan Aussigeih boid wird.
Am Poimsonntog hot `s zwoar gschneibt
is varruckt – wia `s Wetta treibt.

Za Ostern is `s wechslhoft
d` Sunn scheint ah nimma so oft.
Wind und Woikn keimman auf
Blitz und Donner foign gleih drauf.

Im Mühlviertl is ´s gleih koit
Schnee bleibt liegn drin im Woid.
Minus fünf Grad haum s` gmessn
wia d` Vogerl am Gleg gsessn.

Haum eah a woarms Nesterl baut
und sih wegn da Bruat umgschaut.
Daun und waun schaun s` doh in d` Höh
d` Oah müaßn s` warma, meina Söh.

Ah de großn Hummin fliagn –
schaun, wo s` schau` an Nektar kriagn.
Va Veigerl und Narzissn
hoin s` eah de Leckerbissn.

Auf de Wiesn tuat sih wos
do wochst `s zoarte, greane Gros.
Natürlih braucht `s ah an Regn
`s Wossa kaun so vü bewegn.

Auf ganz wundasaume Weis`
blüahn de Staudn und Bam in weiß.
D` Marünbam haum fost vablüahrt
so schei` is `s waun `s Fruihjoahr wird!

6.04.12 Jahreszeiten

Autorinnen und Autoren, die sich in unsere Mundart-Datenbank eintragen möchten, steht unser Online-Eintragservice zur Verfügung. Gedichte, Märchen und Beiträge, welche in und über Mundart verfasst sind, können Sie über ein Eintragsformular auf unserem Server veröffentlichen. Beitrag anmelden

Kontakt:
Maria Mülleder
A-4209 Gallneukirchen
maria.muelleder@aon.at

Zur Autorin:
1944 in Sandl im Mühlviertel geboren, kam Maria Mülleder über Beobachtungen der Natur zum Schreiben. Von Kindheit an prägte sie der Eiserne Vorhang. Ihr Vater kam erst 1948 aus der Gefangenschaft heim, so lernte sie ihn erst als Vierjährige kennen. Die Aussiedlung der Bucherser erlebte sie unmittelbar mit. Mit ihren Mundartgedichten schrieb sich Maria Mülleder
"Schweres von der Seele".
Sie ist Mitglied im Stelzhamerbund. Nach dem
Besuch der Dichterschule "Gottfried Glechner" wagte sie sich ans Schreiben.

Publikationen:
"Dahoam in Sandl - Sandl im Mundartgwandl"
ISBN 978-80-903427-0-5
"Bei uns auf da Hoad
Mundart aus dem Dreiländereck
Sandl – Stadlberg – Buchers"
2008, Verlag RegionalEdition
ISBN 978-3-902226-46-4
"Böhmische
Freundschaft
Mundart aus dem Dreiländereck
Sandl – Stadlberg – Buchers"
2009, Verlag RegionalEdition
ISBN 978-3-902226-51-8