Mundartbeitrag von:
Mayr Florian -
4300 St. Valentin
joe.gutzelnig@liwest.at
Alle Mundartautoren
Mundart-Datenbank |
S'Göd
I huck mi hear,
erzöh eich meahr -
wos ois do gschiacht
auf dera Wöd.
Wear olles kriacht
nuar wegn an Göd.
Scho goans obn -
fost nix zum Lobn.
De sitzn an da Quelln,
und nehman wos se kriagn -
brauchn net stehln,
bloß a weng liagn.
Und de mittndrin?
Habn nix ondas im Sinn
ois noch untn fest druckn
dabei d'Händ aufz'holtn,
noch obn nuar duckn
und d'Händ brav z'foltn.
Und ah de goans untn -
hobn'd Moral net erfuntn.
Se leistn si vü -
moi weng und moi meahr,
und gegn'as schlechte Gfüh
hoit da Hearrgott hoit hear!
Des woar's scho mei Gschicht.
Jetzt wisst's wo's eich sticht!
I bitt eich am End -
ah a Dichta muass lebn -
gebt's ma a Spend,
umsunst ko ah i eich nix gebn!
|
