Mundartbeitrag von:

Supersberger Franz    -
9500 Villach
franz.supersberger@gmail.com

Iban Winta -- Spearmüll

Iban Winta

Iban Winta hot da Oltbawa
nit vül Möglichkeiten ghobt
za Untaholtung.
Wenna vurs Haus ausegongan is,
is ihm gleiamol kolt woarn,
a de Fiass hom eam glei
weah toan. Vurm Eis auf da Strossn
hota a muads Ongst ghobt, da Stock
hot do a nit vül gholfn.
Om liabstn isa in da worman Kuchl gsessn,
hot sein Schnopstee getrunkn
und a bissl Radio glossnat.
Oft hota za seina Frau gsogt,
im Fruhjoahr deis wieda bessa wearn,
im März isa gstorbn...



Spearmüll

Vurm Haus aufn
Gehsteig steaht a Bett,
a Schronk, a blinda Spiagl
und a Kuchltisch.
A ongschloganes Woschbeckn,
de Amatur von ana Bodewonn
und vaschiedane Lompn.
A poar olte Kochtöpf, Bichar
und de „Bunte“ von fünf Joahr.
Bold kimmt de Müllobfuhr und
fiahrt den Hausrot da vastorbanan
Schneidamasterin weg ...