Mundartbeitrag von:

Supersberger Franz    -
9500 Villach
franz.supersberger@gmail.com

Muata -- Madl -- Vagessn

Muata

Bei mein Bsuch von da Muata
im Spittol hon i ihrne Händ gholtn,
do hob i ihre gonze Liab gspirt.
De Orm woarn schoan
gonz dinn.
Da Vurhong vom Fensta
is zur Seitn gschobn gwesn,
sodos se auf de Sunnseitn
aufegsehgn hot.
De Herbstsunn hot gscheint,
es woar a stills Lächln auf
ihrn Gsicht.

I hon zua ihr gsogt,
du wirst bold wieda daham
vurm Haus auf da Bonk
in da Sunn sitzn,
do hots ihrn Kopf gschüttlt.
Sie hot an klan Schluck
von ihra gliebtn Frucade gmocht.
Sie is glei miad woarn
und eingschlofn,
a poar Tog späta
is se gstorbn...



Madl

A Kindawogn mit
an liabn Madl,
a Muata mit
an schean Gsicht.
Rechts und links Birkn
mit greane Blattln,
a leichta Wind.
Bluman in olle Foarbn,
im Brunnan spiaglt sichs Gsicht.
De Polman tuans vom
Gwächshaus ausa stölln,
de Sunnanstrohln färbn
de Wangalan roat.
Bam Hamfoahrn hot a Auto
den Kindawogn ibarollt...



Vagessn

Jede Pforrei hot senan
Friedhof, de ane an Klanan,
de ondre an Gressarn,
da Ane liegt auf an Higl,
da Ondre vurm Dorf.
De an hom an Grobstan
aus Granit, de ondan an aus Marmor
und ondre a schlichts Holzkreiz.
Es is a Kompf gegn
dos Vagessn...