Mundartbeitrag von:

Lukschander Elisabeth    -
6391 Fieberbrunn

Opas 70igster Geburtstag

Zum 70. Geburtstag

Hab no imma zum rundn a paar Zeilen gereimt
hast a scho fest mit an seiwa zammgstoitn Gedicht grechnt,
wia ma scheint.
Vui weascht se toa bei dei’m 70er, des hab i ma scho denkt,
drum kriagst vo mir im nachhinein dies Gedichterl gschenkt.

Fast oi sand kemma aus Nah und aus Fern
um dir zu gratuliern, wei’s die oi hamb so gern.
Vui hambs sich de Gäst u tu, a Gedichtal vo de Kloan,
ganz liab gsunga und tanzt hambs, wie i moan.

Die Lieda dia da d’Inge hat ausgsuacht - mit vui Gfui
ugfang vom Burgenland bis nach Tirol, so war des Gspui;
des zoagt da, dass de achten und verehrn,
wos mechst denn mehra auf dera Ern.

Der Power-Point –
so wia se des heit nennt,
de Katrin hat des zammstoin fantastisch kent.
Des mit Computer hats guat in der Hand
und a jeda hat higschaut auf de belebte Leinwand .

Da hat mas gsechn - Friara hats nit vui gebn -
hamb ghabt nur des Notwendigste zum Lebn.
Awa du woits di scho ganz a so Junga fest plagn,
wei a Mechanika braucht hoit a Auto zum Fahrn.

Z’Kappein woit ma nix varratn vo deine Liebesgeschichten,
tatn dir dann manche womöglich no was dazua dichten.
Hamb bei de Recherchen einige Fotos gsehn
seids boade nit ganz ohne gwen.

Zum Bergbau as Lada fahrn bist kemma,
ob Summa oder Winter, da hättst di kenna darenna.
Da hast di weita bemüht und warst oiwei beflissen
drum hast iatz a feschs Haus –
drin kunst die ausruahn auf an fein Kissen.

Wos hast no braucht zu deim Glück -
Kinda und des glei zwoa Stück.
Hast gschaut, das allerlei derfn machn
des wor awa a nit oiwei zon Lachn.
Schui hambs derfn geh, de was sie hamb woin
und wia ma woaß, do is hoit oiwei zon zoin.

Der Jagerei nach zgeh, hast a no gschafft,
bei kapitalen Jagdtrophäen
hat a diam oana vor Neid grad a so gafft.

Für die Reh hast an Summa gheigt,
den Bauern nit hintn noch,
des Hei durch den tiafstn Schnee aufegetragn,
ja des war ganz sche zoch.

A Brennholz braucht vo uns koana zammtoa,
des hackt uns der Opa oiwoi kloa.
Rund ums Haus hat er woas Gott wiavui Hoiz
auf des kun er sei, mit recht, ganz sche stoiz.

Nit redn brauch ma vo de Schwammerl,
die er uns hoit aus’m Woid
putzts und stoit’s uns im Keller a no koit.
Bringt uns Birn, Äpfe und an Schnaps vom Burgenland,
weils doscht, wia i glab, vui de bessern hamb.

Wann oana, obs Kinda send oda Enkerl,
was braucht vo eahm
geht er – fahscht er, macht er –
i woaß nit – i glab er machts von Herzn gean.

Ma staunt was da Opa vo Kloa auf hat packt ois so bärig,
und ma glabts kam - iatz is a scho 70-jährig.

Deshalb hier mit diesen Worten in an Reim -
du bist unsa besta Vata und Opa
und des weascht a imma bleim.

Danke für all Deine Liebe und Hilfe
Franzi, Werner,
Petra, Bettina und Elisabeth