S Kuarkonzert
von Wilhelm Fischer

Mei Heaz dös sticht, mei Heaz dös druckt.
Mit oan Woat gsogt, es schpüt varruckt.

Dö Doktan sogn, ih hätt vü beese,
vaschlossane Heazkraunzgefässe.

Sö homma daunn za guada letzt
an etla soiche Schtents eigsetzt.

Ös brauchts ned glabm, hiatzt war a Ruah.
Naa, d Pumpm schpinnt in oana Tour.

Oimoi rennts laungsaum, daunn wieda schnölla.
Dös nennans an Heazrhythmusföhla.

Mei Hausoazt moant: "Miar iss hiatzt gnua.
Fiar dih beauntrog ih a Kuar."

Ih kriag dö Kuar, sö homs valabt,
und zwoar gaunz schnö, hätts frei ned glabt.

Genau noch Plan rennt duat oiss o
und ih muass sogn, dös passt ma so.

Hiatzt binih afdn nochand scho
drei Wochan in dea Reha do.

Gach kimm ih draf, fiar ins geeahte
Kuarhausgäst gibts Kuarkonzerte.

Siahgst, sog ih ma, za dö gehst hi,
weul ih a wengal musisch bi.

Dös prima Kuarorchesta schpüt
mit seina Liadauswoi gezüt

sih mittn eini in mei Heaz.
Ih gschpia koan Druck und aa koan Schmeaz.

Ih füh mih vümeah pumpalgsund
solaung dö schpün - aundathoib Schtund.

Über den Autor:
Wilhelm Fischer, geboren 1933, ist verheiratet und Vater von vier erwachsenen Kindern. Er studierte Philosophie und Theologie. Seit 1960 war er als Religionslehrer tätig, zuletzt 22 Jahre an HTL und HAK.
Wilhelm Fischer berichtet uns über diese Zeit: „Als Dienstältester hatte ich einige Male die Aufgabe, anlässlich der Weihnachtsfeier des Lehrkörpers unserer Schule eine Ansprache zu halten. Ich tat dies - erfolgreich - in Mundart.“
Damals verfasste er unter dem Titel "Wiari amoi" Kurzgeschichten über seine Erlebnisse im Unterricht.
Er schrieb auch einen Roman in Hochdeutsch mit dem Titel "Wir haben ein Gesetz". Mundartgedichte entstanden sporadisch.
Richtig erwachte der Poet in ihm erst, nachdem er 1992 in Pension gegangen war.
Neben den Schreiben widmet sich Herr Fischer auch anderen Hobbys wie Basteln, Krippenbauen, Ikonenmalen und er geht auch gerne in die Oper.

Publikation:
"Ih red wia ma da Schnowö gwoxn is" - Band mit Mundartgedichten

Weiteres:
Preisträger des Alberndorfer Lyrik/Prosa/Märchenpreises "AKUT 12", "AKUT 13" und "AKUT 14".
Auftritt im ORF Oberösterreich bei Franz Gumpenberger in "Gsungen und Gspielt".

Kontakt:
Fischer Wilhelm
4650 Lambach
wilhelm,otto.fischer@gmx.net