a guads gedichd
von Hannes Decker

des is so a gschichd
min guadn gedichd
hosd endlih an reim
iss rhytmisch zan schbeim
und passd daun da takt
hosd’d mundoart ned bakt
is d’schproch goa ned bled
schtimmd d’sotzschtellung ned
wauns sotzgefüg schtehd
passd sü(b)maunzoi ned
des is so a gschichd
min guadn gedichd
kaum glaubsd, es is guad
kriagsd oane am huad
do sei ned vaschreckd:
neahmd is perfekd!

Zum Autor:
Hannes Decker am 2.2.1946 in Tautendorf (NÖ) geboren, verheiratet.
Der Mundartdichter ist Mitglied des Stelzhamerbundes, sowie der Gruppe "Neue Mundart".

Kontakt:
Decker Hannes
Stadlerstraße 51
4020 Linz
hannes@literat.at