wos is scho b´sundas ...
von Gerold Kauntz

wos is scho b´sundas
aun da mundoat?

is´s net eh wuascht,
ob s´ ausschtiabt,
de mundoat?

da dialekt, den wost gleant host,
ois klaan´s kind,
von de ötan,
oda bessa nau, -
auf da schtrossn.

de oidn haum ´s jo eh
vahindan woin, domois,
dass d´ so red´st,
wiar a pücha!

Und - waunnst zuaheast,
wia de gsibeaga redn,
oda de tirola,
di vaschtehst jo eh net!

do warat ´s do eh g´scheida,
waunn olle desöwe schproch
redn tätatn!

und am bestn glei
a univeasal-schproch,
fia de gaunze wöd!

do kennt i endlich
bein kinesn
des tschop-suä
in originäu
beschtöön!

----------------------------------

no a poa mundoatsochn findt ´s auf
http://www.strasshofer.click.at.tf
mit an click auf de "koal-texte" !

----------------------------------

Die "MundArt des Monats Jänner 2004" stammt von Herrn Kauntz Gerold.
Herr Kauntz macht in seinem Beitrag einige kritische Gedanken über Sinnhaftigkeit von Mundart.
Herr Kauntz arbeitet freiberuflich -
z.b. als Clown, er schreibt Texte & Lieder für Kabarett & Kindertheater und betreibt eine kleine Veranstaltungs-Agentur.

Kontakt:
Gerold Kauntz
strasshofer@gmx.at