Publikationen
Veranstaltungen

Der beste Beitrag wird als "MundArt des Monats" auf dieser Seite und im EuroJournal veröffentlicht!

Aus unserer Mundartdatenbank

Texte - Gedichte - Märchen
Beiträge in und zur Umgangssprache

MundArt des Monats Autor / Beitrag anmelden Veranstaltungen
Links

Mundartbeitrag von:

Eder Martina    -
4600 Wels
martina.eder11@tele2.at



Alle Mundartautoren
Mundart-Datenbank

Wo bleibt denn ´s Liacht

D´Miazl voller Load und Jammer
hockt alloa in ihrer Kammer.
Daß s´ wart´t bis d´Nacht ankimmt, is fix,
sinniert und hadert und sonst nix.

Koa Sunnastrahl ihr Seel erreicht,
de bald an Eisklumpm scho gleicht.
Ja, gibt´s denn neamd, der ´s Eis aufbricht,
der Hoffnung bringt und Zuversicht?

Kinnt Bam sehgn, wia de treibm und blüahn,
wia d´Äpfl reifm und ah d´Birn,
zuaschaun, wia d´Vogerl Nesterl baun,
zan blau´n Hümml auffischaun.

Betrachtn wia der Pfau stolziert,
der Nachbarnbua sein Hund ausführt,
zuahern, wia d´Kinder singan, lachn
und gwiß so manchn Unsinn machn.

Sie hockt und grüblt, siahgt koa Liacht,
nimmt nix mehr wahr, was um sie gschiacht.
So hadert s´, bis der Winter kimmt
und ´s letzt Blatt van Bam waegnimmt.


 Mundartdatenbank - Gesammelte Beiträge von Mundartautoren und Lesern zum Nachlesen!