Mundartbeitrag von:
Sumper Gabriela -
4040 Linz
gabi.sumper@gmail.com
Alle Mundartautoren
Mundart-Datenbank |
S'Winga
Des Winga geht oiwei tiaf eine
eine bis mittn ins Heaz
grobt Spuan in dei Söh, grobe, feine
Glick oda gaunz bittan Schmeaz.
S'Biawal des stroiht da entgegn
wias vo da weidn noch dia winkt
mechast eam d'Oam umelegn
gfreist di, waunns woach einesinkt.
Pockt de di Liab wia a Stuamwind
gehst wia auf Woikn duachs Lebn
bist fia ois aundane foabnblind
winkst SO, dasd moanst, du kaunst schwebn.
Maunchmaoi is Winga ban foatgeh
schwah, weus das Heaz außareisst.
Tatst gean dein Schatzal no eigsteh
das a grod d'Liab daunischmeisst.
S'hoamlane Winga is s'schwaste
weus so wos endgütigs hot
d'eigane Söh is de Laahste
woaß, das zan redn is zspot.
|
