Mundartbeitrag von:
Lahnsteiner Gertrud -
4802 Ebensee
Gertrud.Lahnsteiner@tele2.at
Alle Mundartautoren
Mundart-Datenbank |
Wann d´Blattl falln
Wann d´Blattl falln,
is da Herest schon da,
d´Bam san wia gmaln,
´s Jahr dankt bald a.
´s Lauwa raschlt munter,
wann da Wind mit eahm spüt,
da Wald is jetzt bunter,
d´Luft sih kälter anfüt.
D´Nächt san schon lang,
da Tag nimmt schnell a,
d´Vögö zwitschern bang,
ah für de is´s nit gschmah.
Auf de Beregn, de Güpfö,
san weiß schon vom Schnee,
starr vor Kältn san d´Wipfö,
ganz stü liegt da See.
´s Jahr gibt uns a Zeichn,
es wird bald vergehn,
an neichn muass´s weichn,
denn d´Zeit bleibt nit stehn.
|
