Mundartbeitrag von:

Hradil Elisabeth    -
4650 Lambach
elisabeth

Frühling

Koa Frost mehr koa kalte Nacht
übern Wald de Sunn scho umalacht
d`Leberbleamal blüahn blitzblau
Zitronenfalter flattern über d`Au
a Amsl singt hoch in de Äst
ois ladat sie zum Frühlingsfest
da Marillenbam im Hochzeitsgwand
verstraht Blütn wia mit Kinderhand
letzte Schneerosn leuchtn rosa her
des Bienengsum wird oiweu mehr
im Herzn drinn so a Freid
endlich wieder Frühlingszeit.