Mundartbeitrag von:
Supersberger Franz -
9500 Villach
franz.supersberger@gmail.com
Alle Mundartautoren
Mundart-Datenbank |
Advent -- Weihnocht -- Heiliga Obnd
Advent
Auf da Kuchlbonk von da Oma
hom sich de Prospekte
von de Einkafscenta gsommlt,
jedn Tog hot da Brieftroga neie gebrocht.
Da Oma ihrne Schuha san
iba zehn Joahr olt…..
Weihnocht
Bei vüle Schaufensta vurbeigehan,
bei sovüle Sochn nit wiaßn
woas schenkn, vialleicht
is des Christkindl a Gutschein.
Im Lodn von da Caritas suacht
a Tirkin noch zwoa Pullova
fir ihrne Kinda…..
Heiliga Obnd
Om heilign Obnd
hots zan Regnan ongfongan,
da Regn hot in Schnea
und a de Weihnochtsstimmung
furtgschwemmt.
Umas Haus hots des
Grümpl ausagapert.
Im Haus san de oltn
Streitigkeiten zwischn de
Leit zan Vurschein kemman .....
|
