Mundartbeitrag von:
Fischer Wilhelm - 4650 Lambach wilhelm.otto.fischer@gmx.net
Alle Mundartautoren Mundart-Datenbank |
Da Sexolog
Dö Frau, dös unbekaunnte Wesn,
hot Kolle endli aa entdeckt
und hot, wia mit an eisnan Besn,
"Tabus" und "Zwänge" weggagfegt,
dös intadruckn und betriabm
und hindan toan ban aungstfrei Liabm,
frigid, schteril und kraunkhoft mochn.
Ma kennts jo eh dö nämling Sochn.
Dö Kur hot grodn ohne Zweifö.
Dö Hemmungen sand oi ban Teifö.
Eiwendi is dö Frau wos woa:
a Wesn letztli unfossboa.
Eakenna kaunnst hoit a Person
grod netta, waunn sih zwoa zan Lohn
in Liebe gegnseiti schenga.
Dös miasst da Kolle eascht bedenga.
Ea hot dö Frau jo ned eafüllt.
Na, ea hots netta gaunz enthüllt.
|