Mundartbeitrag von:
Fischer Wilhelm -
4650 Lambach
wilhelm.otto.fischer@gmx.net
Alle Mundartautoren
Mundart-Datenbank |
Schicksoi
Iss so beschtimmt in Gottes Rot,
zan trauan, zan leidn,
weu ma van Liabstn, wos ma hot,
muass lossn,muass scheidn?
Wos soi a Glick, dös kuaz nua wäahrt,
aa waunns dih sölig mocht
und wiad afd letzt daunn doh zaschteeart,
gaunz schnö, fost iwa d Nocht?
A Glick, dös mar amoi hot gwunna,
schmeazt um vüles meahr -
iss in d Händ zarrunna -
wia waunns oan nia begegnt wäar.
Und wars aa grod a Augnblick,
wosd glickli woarst, denk drau,
es woar und is jo doh dei Glick,
dös da neamd nehma kau.
|
