Mundartbeitrag von:
Sumper Gabriela -
4040 Linz
gabi.sumper@gmail.com
Alle Mundartautoren
Mundart-Datenbank |
Valetzta Stoiz
Mia tuat heit mei Heaz weh
so schwah is mei Söh
mi druckt's, wo i hi geh
fest zu is mei Köh.
Des Lichtl ban Fensta
so kimts ma hoit fia
vatreibt ma de Gspensta
de i in mia gspia.
Deng i aun de Weihnocht
bemeak i a ziagn
i häd so gean keaht gmocht
um Einichkeit z' kriagn
Valetzt bis aufd Knochn
nua zweng a poa Woat
de zorni wean gschprochn
grodaus und vüh z'hoat
Kim hea, moch ma Friedn
i hob di do gean
mia san so vaschiedn
wia zwoa fremde Stean.
So weit ausanaunda
und trotzdem gaunz noh
wias Wossa im Graunda
san mia füa uns doh.
Es wiad wieda Weihnocht
nix schenas kaus gehm
ois pfriedn und in Eintrocht
es Christkind z'erlebm
|
