Mundartbeitrag von:
Uhl Paul - D 94032 Passau paul-uhl@web.de
Alle Mundartautoren Mundart-Datenbank |
Ojss hojb so wujd!
Wannst moanst, du bist moj ned guad drauf
und dei Familie regt di auf,
de Kinda nervn di scho recht
und, dass dei Frau di nimma mecht…
D Kollegn san aa gega di,
und morgn, do schmeisst glei ojsse hi…
Im Darm, moanst, hast ja eh an Krebs,
im Hirn sitzt gwieß aa irgnd ebbs…
Dahoam im Bett hast di blamiert:
Dei „Kloana“ nimma funktioniert…
I woaß, do hejft – ja, glaab ma s gwieß –
a Bsuach im Kranknhaus… - Do is
(des werd di ganz bestimmt kuriern),
vuj schlimma ojss. Des muaßt kapiern !
Auf Intensiv – do schau mol nei,
dann lasst des „Hypochondern“ sei
und zfriedn mit dir kimmst wieda raus
und merkst: bei dir drinna im Haus
is ojss OK – ojs hojb so wujd
und mit de Kinda hast Gedujd…
Es san bloß Blähunga – bestimmt,
dei Kopfweh vo sechs Hoibe kimmt
und ohne Stress – do hast mein Eid –
spurt aa dei „Kloana“ wieda gscheid !
|