Mundartbeitrag von:
Uhl Paul - D 94032 Passau paul-uhl@web.de
Alle Mundartautoren Mundart-Datenbank |
Wos mi aufregt
Am liabstn daad i ojss dabresln,
daschlong, zafetzn, hintreschmeißn:
Politiker san lauta Esln,
und Gschäftsleit, de de Kundn bscheißn,
de Preißn, d Nazis aa, de ojdn,
Hausiera, Postla, de grod leitn,
wann i mein Middogsschlof dua hojtn;
de Nachbarskinda… – Herrschaftzeitn !
Motorradla und Politessn
de reng mi auf – konns ned vaputzn!
De Gscheidling, mei - i kunnt’s dastessn,
daschiaßn mit n Zimmastutzn…
Des dauert meistns bloß poar Stundn,
na schaam in mi für soiche Sündn.
Na konn i – i sogs unumwundn –
as rechte Maß aa wieda finden…
|