Mundartbeitrag von:
Mair Hildegard - 4730 Waizenkirchen hildegard.mair@energieag.at
Alle Mundartautoren Mundart-Datenbank |
Da Fasching und ih
Du verquanstd´ dih so gern.
Bist fürd´ Gaudi zum Ha(b)m.
Ziagstd´ a Maskn vors Gsicht
und lasstd´ alle ratn.
Du tanzd´ bis ind´ Früah.
Schier nix is da(r) z´bled.
Du haustd´ gscheit am Putz,
bis´s frei nimma geht.
Du vergisst deine Sorgn,
zumindest a Eicht.
Lacha und scherzn
und alls wird so leicht.
Ih bleib schö(n) dahoam
und grübl und spar.
Du bist a Fasching
und ih bi(n) a Narr.
|