Mundartbeitrag von:
Uhl Paul -
D-94036 Passau
paul-uhl@web.de
Alle Mundartautoren
Mundart-Datenbank |
Ojd wer(d)n
As Lebm, des is abwechslungsreich;
vom Baby üba s Schujkind no,
de Lehr, de Arwat, s Studium,
ganz gleich, wos ma ojss lerna ko…
Aa d Liab zun lerna - is ned leicht,
des braucht a Achtung, Toleranz,
bei Gebm und Nehma – oft recht schwer
und mancha lernt des Gspuj nia ganz…
Im Rentnojta* wanns d dann bist,
an liabn Menschn an da Seit,
sei froh, wann s gsund so weida geht,
dei letzta Dog, der is no weit…
Doch irgndwann geht s nimma um,
du brauchst a Hujf scho dort und do…
Werd s Lebm dann zum Martyrium,
mechst hoamgeh liaba – sowieso…
Mei Rat – mei Liaba, merk dir n fei:
Mechst ojd wern, derfst koa Feigling sei!
*Rentenalter
P.U. 30.01.17
|
