Publikationen
Veranstaltungen

Der beste Beitrag wird als "MundArt des Monats" auf dieser Seite und im EuroJournal veröffentlicht!

Aus unserer Mundartdatenbank

Texte - Gedichte - Märchen
Beiträge in und zur Umgangssprache

MundArt des Monats Autor / Beitrag anmelden Veranstaltungen
Links

Mundartbeitrag von:

Seier Jutta    -
A-7423 Grafenschachen
8sonne44@gmail.com



Alle Mundartautoren
Mundart-Datenbank

An Herrgott sei Plan

Da Herrgott hot an Menschen as Lebn gschenkt,
moants, wos hot si der dabei denkt?

Betriebsanleitung fiar des hochkomplizierte Wesen,
hot der Kerl anscheinend zan mitgebn vergessn.

An Jeden wül er wos Bsaundas gebn,
bestimmt sogor as Oblaufdatum va den Lebn.

Varschiedane Foarbn, damit er's ausanaunda kennt,
und Jeden hot er Aundars benennt.

Die Sprouch, je nouch Rass, sullts verschiedn sei,
damit si net a Jeda mit Jeden kaunn varstei.

Mandl und Weibl, das warat net verkehrt,
sunst geht's jo net, dass si die Spezies vermehrt.

Donn hot er Olli ausgsetzt, gaunz vastraht auf Erden,
liebet und vermehrt euch, damits bold mehra werdn.

Ba jeden Oanzölnan gib er wos extrigs dazua,
damit ma woas, wer hot wos zan tua.

Fiar Maunchn gib a sogar a Hirn a no her,
die Aundarn sulln schufftn gaunz schwer.

A poar kloani Föhla san eahm a passiert,
wegn dem hot si da Herrgott net geniert.

Ban Oan mocht a krummi Haxn oda an Buckel auf d' Nosn,
ban Aun darn Oarwaschl so gross wie von an Hosn.

A ban Herz vartaln woar er muats ungerecht,
entweder hoart wie Stoan,
oda so woach, dass glei zarbrecha mecht.

Oana kriag zan musizieren a guats Gfühl,
ban nextn geht goar nix, der kaun tua wos er wül.

Und dass an Menschen net laungwalig wird,
hot da Herrgott a poar Regeln eingfiahrt.

Noch die Regeln sull da Mensch si richtn,
und a Lebn laung brav sei Oarwat varrichtn.

Das da Mensch ba den Gaunzn net die Freid verliert,
hot a ins a no an Glaubn spendiert.

Betn sulln ma, in da Friah und auf d' Nocht,
wal des Heit sicha no irgendwer mocht.

Sunntogs dearf ma donn stottn Oarwatn in die Kircha gei,
dass sie Olli treffen und mitanaund reden, is jo so schei.

Das Jeda gsiag wos da Aundere hot und kaun,
am Meisten tuan eh nur die Weiberleit schaun.

Dass da Herrgott uns mit Neid und Eifersucht so reichlich hot beschenkt,
und wir so vül Gier und Geiz entwickeln hot er net denkt.

Mensch, in Frieden sollst du leben,
reiche deine Hand und sei bereit zu geben!


 Mundartdatenbank - Gesammelte Beiträge von Mundartautoren und Lesern zum Nachlesen!