Mundartbeitrag von:
Mayer Fritz -
4470 Enns
fr.mayer@gmail.com
Alle Mundartautoren
Mundart-Datenbank |
Und scho wieda Weihnachten
Am bessern wa Weihnacht
ohne Christbam und Kerzn
offane Gschäftn
bei Tag und bei Nacht
nur Geld und Geschenke
koa Gfüh mehr im Herzn
d`Hauptsach der Handel
hot Umsätze gmocht
Waunns überall klingelt
besonders die Kassen
wanns dudlt und tingelt
ja des megn die Massn
und parkn und kaffn
ums beste sich raffn
Des sand Varruckte
de an Menschn was schenkn
ohne Markenprodukte
wos soll sich der denkn
des warat jo bled
wann net Neiki obm steht
Nur zehn moi nu schlafn
dann is endli so weit
dann iss wieda do
de scheinheilige Zeit
Da Jesus- waast eh
im Krippal der Klane
da links nebm da goidanen Uhr
vakummt schon
zur winzigen Nebenfigur
Des hülzane Graffel
steht nur umanaund
und waunn is scho siach
fahr i eh ausn Gwaund
I mogs net des Krippalzeug
s duat mi nur roazn
znaxt schenk i`s an Türkn
der braucht wos zum hoazn
Es wird ma net fehln
und drum bin i so frei
näxts Johr za de Feita
samma eh in Hawaii.
Guat waunn d`Feita vorbei san
weu i hab scho an Zorn
jetz miass ma de Hälfte
wieda umtauschn foahrn.
Und d`Kinda und i
mir kauf`n uns Brilln
uns tan d`Augn scho so weh
vom Playsteschn spüln.
|
