Mundartbeitrag von:
Mayer Fritz - 4470 Enns fr.mayer@gmail.com
Alle Mundartautoren Mundart-Datenbank |
D` Oma
Distanzn sand heit für die Menschn ka Thema
ma steigt in an Fliega und scho is ma dort
natüli muass ma sich de Zeit dazua nehma
dafür bist va da Hoamat elends weit fort
Es geht si nia aus, weil hoit allweu was is
dass ma d`Oma im Altersheim schnell amoi b`suachn
amoi is des Wetta amoi iss was anders
gaunz sicha wermas d`nexte Wocha vasuachn
Und daunn kummt de Meldung- de Oma is tot
und oiss wuselt ummi, wern net amoi rot
waunns dazöhln wias sès b`suacht ham
und wia traurig dass san
weu se haums doch oiweu so gern megn-
Jo a klanere Erbschaft is öftas a Segn!
|