Mundartbeitrag von:

Lahnsteiner Gertrud    -
4802 Ebensee
Gertrud26@sms.at

Auf und a

D´Welln tragn a Schiff oft auf und a,
wannst seekrank wirst,des is nit gschmah,
schwimmst auf de Welln ganz obnauf,
dann folgt a Wellntal sicher drauf.

A Weg geht ah oft auf und a,
ganz leicht kimmst gar ins Schwitzn da,
es is nit jede Straßn ebn,
es muass halt Berg und Tal schon gebn.

Auf und a geht ´s Lebn ja ah,
aufi, awi is oft schwa,
bist ganz tiaf untn, hoff halt drauf,
dass´s irgendwann geht dann bergauf.

Wannst unt bist, is de best Idee,
du rappöst langsam dih in d´Heh,
wannst drobn bist, derfst dih drüber gfrein,
doch denk, des wird nit allweil sein.

So geht´s halt oft im Menschnlebn,
a Auf und A, des muass´s schon gebn,
da muass ma sih halt recht besinna
und mitm Wellngang umgehn kinna.