Publikationen
Veranstaltungen

Der beste Beitrag wird als "MundArt des Monats" auf dieser Seite und im EuroJournal veröffentlicht!

Aus unserer Mundartdatenbank

Texte - Gedichte - Märchen
Beiträge in und zur Umgangssprache

MundArt des Monats Autor / Beitrag anmelden Veranstaltungen
Links

Mundartbeitrag von:

Mayer Fritz    -
4470 Enns
fr.mayer@gmail.com



Alle Mundartautoren
Mundart-Datenbank

Weinexperten

Waunn i an Weinspitz kostn siach
do wird ma glei gaunz schlecht
wia de min Wein do umatan
des is ma gar net recht

Zerscht schüttlns eahm
und riachn draun
dann hoidns ehna Säufanasl
bis zan Fuassbodn va den Glasl

Und daunn, des gfallt ma a net guat
wird g`schaut ob der Wein zeichna tuat
Kirchenfensta soid a mochn
und wos was i, was sunst für Sachn

I bin vom Zuaschaun schon gaunz hin
doch, des is erst da Beginn
weu üwan G`ruch wird diskutiert
dass ma wirkli damisch wird

Der oane red`t von feiner Nosn
der andere riacht Haslnuss
und von Vanille redt der Dritte
wos de ois riachn, oiso bitte!

Und jetzt faungts Kostn wirklich an
min Mund, so wias de meistn dan
owa aundas, irgendwia
mir kimmt des gaunz g`spassig für

Se schwoam des Saftl umanaud
vom Gaumen bis zum Zungenraund
und waun min Schnaufn was net stimmt
dass bei da Nosn aussakimmt

Jetzt moanst es schmeckat eahm net üwe
do spuckt a`ngaunzn Wein in Küwe
jetzt packt mi owa des Entsetzen
er tuat scho wieda Schnowiwetzn

Weu jetzt wird üwan Abgang gredt
des hast wia laung man nochigspürt
er redt und redt, ma wundert si
grod dass hoit net a Aufsatz wird

Von edler Säure ist die Rede
von „etwas jung“ bis „feine Frucht“
ma losst verbal nix unversucht
und i ois Laie wa da Blede

Der si net auskennt bei an Wein
I was nur ans, guat muass a sein!
und echt aus Traubn, des is gwiss
so wia er bei mein Winza is!


 Mundartdatenbank - Gesammelte Beiträge von Mundartautoren und Lesern zum Nachlesen!