Mundartbeitrag von:
Steinkellner Werner -
3233 Kilb
steinkellner@oego.or.at
Alle Mundartautoren
Mundart-Datenbank |
De Bücha
Herr, unsa God
Sågns
Und glaum schau,
se san recht christlich.
D´Kreizritta haum a dena
Araber de Schedln einghaut
und haum glaubt,
se san de rechtn Christn.
Und bei da Inquisition
haums d´Leid gfoitat und vabrennt
und haum se eibüt,
se san gaunz bsunders christlich.
Und de Pforan
haum im Kriag de Wåffn gsegnet,
damits bessa züt haum
und de aundan nu bessa zfezn haum kinna –
und wida haums glaubt,
des woar wås wia christlich.
Manchmoi
muast Du do dåsitzn
und in Kopf beidln
waunst siachst,
was de Bücha alle
aurichtn
in Deim Naum,
de Bücha.
(Aus der Sammlung
"Üwas Joa und üwa d´Leit)
|
