Publikationen
Veranstaltungen

Der beste Beitrag wird als "MundArt des Monats" auf dieser Seite und im EuroJournal veröffentlicht!

Aus unserer Mundartdatenbank

Texte - Gedichte - Märchen
Beiträge in und zur Umgangssprache

MundArt des Monats Autor / Beitrag anmelden Veranstaltungen
Links

Mundartbeitrag von:

Springer Martin    -
4170 Haslach an der Mühl
der.rohrspatz@aon.at



Alle Mundartautoren
Mundart-Datenbank

Nix toa

Ih steh da und schau in d` Luft,
hör de Vegàl zwitschern zua,
riach den frischn Frühlingsduft,
tua sunst nix, gunn ma mei Ruah.

Ih steh da so ganz alloan.
Schen à Tag - à so wia heit.
Woaß neta: Ih muass nix toa.
Gar nix toa, des is à Freid!

Muass nix toa, muass gar nix toa!
`s Nix-toa-miassn is à Pracht.
Ih steh da, ih ganz alloan
und tua gar nix bis af d` Nacht.

Ih steh da à ganze Stund,
- riah mih net amol.
Gar-nix-miassn, des is gsund,
bi heit fast zan Schnaufn z`feul.

Gfreit mih richti so à Tag!
Schwör ma: Heit derfst gar nix toa,
gar koa Arwat, gar koa Plag.
Wünschat mas fürs ganze Jahr.

Zmittag steh ih ah nuh da.
Derf nix toa, hab ih ma gschworn!
Irgandwia geht ma was a.
Ha ih irgendwas valorn?

Derf nix toa, des war mei Schwur.
Nix, erst recht nix tua ih heit!
Wann ih schwör, dann bleib ih stur,
stur, ah wanns mih gar net gfreit.

Ih steh deppert umanand,
raffat ma am liawan d` Hoar.
Fad is ma, doh mei Vastand
redt ma ei: Heit derfst nix toa.

Riah dih wenigstns du Surm,
denk ih ma de längste Zeit
owa ih steh da wia Turm,
weil ih gschworn ha, ih streik heit!

Wia ih umànandàsteh,
fallt ma endlih ei gegn Spàt:
Nix-toa-miassn des is schen,
Nix-toa-derfn des is fad.


 Mundartdatenbank - Gesammelte Beiträge von Mundartautoren und Lesern zum Nachlesen!