Mundartbeitrag von:
Frank Christine -
2201 Gerasdorf
helga@austronaut.com
Alle Mundartautoren
Mundart-Datenbank |
Da Lehrbua
Da Molamasta hot vü z'duan,
drum suacht er heia zum Lehr'n an Buam,
im Bezirksblatt'l steht es schwoarz auf weiß:
Suach an Lehrbuam mit Ausdaua und Fleiß!
Boid mödt si daunn a launga Lackl:
"Se woin, dass i bei Ihna hack'l?"
Er schaut a wengl sötsaum aus,
owa da Moasta mocht si goar nix draus:
De Hoar auf oana Seit'n gscheart,
gepierct und Flinsal, weu des so g'heart,
zwa Tatoos aum Oarm und a z'lumpte Jean,
owa trankln duad a nix - a sonst is er clean.
A Bischl rote und greana Hoar -
ma mecht si fost fiacht'n, wirkli woahr!
Der Moasta zoagt eahm jetzt des Moin,
weu d'Fensta bis Summa olle firti sei soin;
und dem Lehrbuam mocht des Pins'ln a Freid,
da Lehrherr lobt eahm ois tüchtig und g'scheit,
is freindli und nett, bei de Kund'n beliebt,
a Lehrbua, wia 's kann bessaren gibt!
Drum soit man net oiweu noch 'n Äußeren geh'n,
maunche Leit san oafoch inwendich schen!
|
