Mundartbeitrag von:

Eder Martina    -
4600 Wels
martina.eder11@tele2.at

Vorbei

Nebli nasser Neujahrsmorgn.
Still is`s, alles schlaft nuh.
Nur de zfetztn Papierröhrln,
was umanander liengan,
lassn nuh an d´Raketn denka,
de s´letzte Nacht abgschossn habm.

Da schaut`s aus!

Wia lang wird`s nuh hergehn,
deckt der Schnee allsand zua
und koa Mensch denkt mehr dran,
wia`s in derer Nacht kracht hat.

Wiar oft muaß a Jahr z´End gehn
und a anders anfanga,
bis`s ah einwendi still wird
und de weiße Pracht
hüllt dann ah mih ein.