Mundartbeitrag von:

Kaiser Johann    -
4600 Wels
johann.kaiser@liwest.at

2008 möcht i

Bisher hab i meine Vorsätz schnell gfasst, zuerst ernst gmeint und dann nu schneller vagessn.

Aber 2008 möcht i:

… bei meine Redn, Vorträg und a bei meine Witz,
schnell di Kurvn krieagn, um zu an End zkumma
… trotz da vieln Arbeit,
mir mehr Zeit für persönliche Belohnungen und Auszeitn nehma
… die Angelegnheitn der andern nimma sooft regln,
aber weitahin mei Hilf und Tatkraft sinnvoll einsetzn
… üba meine Beschwerdn und Krankheitn nimma so oft zredn,
aber versuachn, di Gschichtln der andern mit Geduld anzhörn
… mi meine Mitmenschn gegnüba netta verhaltn,
mir mei Liebenswürdigkeit so lang wia mögli bewahrn - ohne ausgnutzt zwerdn
… weitahin die Gab habn, di vaborgenen Talente bei den andern zsehn
und die schöne Aufgab, sie a fördern zdürfn
… mi weita üba mei Lebnserfahrung gfreun
und a zuagebn könna, dass i mi g’irrt hab
… die Listn mit meine Vorsätz an oan sichern Ort aufbewahrn,
damit ich mir net jeds Joahr den Kopf zbrechn muaß,
was i mir im vorign Joahr vorgnomma - und net ghaltn hab

In dem Sinn wünsch i alln, die meine Zeiln lesn, fürs kommende Joahr, alls des, was a mir wünschatn - da kann gwiß nix schiefgehn

Resiak Nahoj aus Wels