Mundartbeitrag von:

mayer fritz    -
4470 enns
fr.mayer@gmail.com

wia d' leit redn

i hob ma a motorradl kaft
hom d’leit gsogt des vasteh i net
a so a depp, auf seine oidn tag kaft a si a motorradl
grod dass’n wo zuwihaut

i hob zan schifoan aufg’hert
hom d’leit gsogt des vasteh i net
dasn des nimma gfreit, wo a so guat foaht
vielleicht ko a sis nimma leistn

i bi min foischirm va an fliega owasprunga
hom d’leit gsogt des vasteh i net
des wa ma vü z’gfährli
do wüll a grod zoagn, wia sportli das a is

jetzt werd i amoi nix toan
und i hers scho sogn:
das a denn gar nixi mehr tuat
i moan jetzt wird a oid