Mundartbeitrag von:
Affengruber Franz -
3311 Zeillern
afra1@gmx.at
Alle Mundartautoren
Mundart-Datenbank |
Bergab
Bergå´!
(Ba uns im Steirerlånd)
I bi´ ban Bauernbund und håb´ an Hauffa Grund
und a a schöne Frau, auf die i recht guat schau!
Sie kriagt scho´ ´sdritte Kind, wann s´ umanånda spinnt
trink´ i ban Wirt an Wein und teil s´ fest ein!
In Våta wa´s net recht, weil der håt g´håbt an Knecht,
der håt eahm d´Årbeit ´tå, då håb´ i nix davo´!
Meine Erb´n san scho´ weg, såg´n måch da sel´m den Dreck,
bin mit da Frau net froh, jetzt geht´s bergå´!
Bin i mit ihr im Klee dånn bring i nix in d´Höh,
wird nix mit´n viert´n Kind weil s´ ållweil nu mehr spinnt,
de letzt´n Jåhr håt´s ze´´t, sie håt an neich´n Freund!
I muaß hiatzt d´Årbeit toa, bi´ gånz alloa!
I kriag koa Geld van Bund, i håb an z´flåch´n Grund.
Mei´ Frau de kennt sie aus, sie kauft mein Grund und ´sHaus!
Es wa´ ihr wirkli´ recht wa´ i van Haus da Knecht!
I trink weil da Wein z´viel kost den sauren Most!
Sie is „die Frau der Welt“, sie håt van Freund des Geld,
sie trinkt den best´n Wein und teilt mir d´Årbeit ein!
Sie håt scho´ ´sVierte Kind, der Bua der wird bestimmt,
er kriagt mein Hof! Mit Recht!?
Inclusive Knecht!?
Afra
|
