Mundartbeitrag von:
Affengruber Franz -
3311 Zeillern
afra1@gmx.at
Alle Mundartautoren
Mundart-Datenbank |
Fleischtiger liebt Naschkatze!
Es is a Sommertåg!
Mei´ Liabsta sågt, dass er mi´ måg,,
und dass er mi´ entlåst´n möcht´,
er will fia mi´ kocha, mir is´s recht!
Er kocht åber net gern fia eahm alloa,
sondern håt Freund ei´g´låd´n, åber mehr wia zwoa.
Heut wird g´grillt, eahm is nixi z´dumm,
und i schau´ mi´ um åll´s ånd´re um!
I geh g´schwind ins G´schäft und suach åll´s z´såmm´,
Grillkohl´n, Grillgemüse, Grillgewürz, a Fleisch und dånn
muass i nu g´schwind a Dessert kreier´n,
Sålåt å´måcha und a påår Sauc´n z´såmm´rühr´n.
Mei´ Liabster der is hochaktiv, voll nervös,
steht vor´m Regal, suacht Sålz und Pfeffer, jå wo is denn des?
I geh za eahm und gib eahm´s glei,
weil er siacht´s jå net, er is z´weit hi´bei!
Mit Grillbesteck und Schürz´n
wird er si´ glei´ über´s Feuer stürz´n,
des geht nia leicht, a jed´smål a Test
so wia a archaisches Opferfest!
I kehr glei´ weg den Haufa Åsch´n,
hol´ van Wåsser, Wein und Bier die Flåsch´n,
denn i wia jå entlåstet, doch ich hächle,
nur wånn er herschaut, dånn hoaßt´s: Lächle!
Er, gestresst, klåtscht mit seine Händ´,
weil es san scho´ då seine best´n Freund!
Es folgt a immer gleiche Begrüßungszeremonie,
servus, du grillst für uns und entlåstest Sie,
außerdem, super passt dir de neiche Schürz´n,
du dei´ Frau sollt´ in Sålåt a bisserl besser würz´n!
Ban Ess´n gibt´s a endloses Theater,
über des mehr oder weniger verbrånnte Fleisch vom Vater,
a påår Stückl, net gånz durch san d´runter,
mei´ Nåchspeis die geht völlig unter!
Am Åb´nd bin i total erschöpft, doch ich lache,
weil mei´ Liabster sågt: „Grillen ist halt Männersache!“
29.6.2008 Afra
|
