Publikationen
Veranstaltungen

Der beste Beitrag wird als "MundArt des Monats" auf dieser Seite und im EuroJournal veröffentlicht!

Aus unserer Mundartdatenbank

Texte - Gedichte - Märchen
Beiträge in und zur Umgangssprache

MundArt des Monats Autor / Beitrag anmelden Veranstaltungen
Links

Mundartbeitrag von:

Affengruber Franz    -
3311 Zeillern
afra1@gmx.at



Alle Mundartautoren
Mundart-Datenbank

Stille Sommernacht

Gestern wår ma in Båd Kreuz´n,
mei´ Frau de trinkt då gern a Weiz´n,
im Kurhaus z´weg´n ana Lesung im Dialekt,
genau des håt mei´ Neugierd´ g´weckt.
Verånstålter wår da Stelzhamerbund,
viel ålte Leut´ auf Kur, åber d´Hauptsåch g´sund!
Za Text´n über d´Liab und über´n Håss,
über Lebenserfåhrung, va kloa oder groß,
hört ma åll´s, ma braucht nix miss´n,
da Osterkorn håt sogår in sei´ Kindheit biss´n.
Ganz schön fia mi, und a d´Leut wår´n stü´,
wår die Musi´ auf da Ziachorgel mit vü G´füh´.
Hoamzua samma nåchher g´fåhr´n,
schö´ långsåm, z´weg´n an Dies´lspår´n,
in da Nåchbårngmoa stengan vü Audihupferl,
då geh´ma zan Wirt auf an Trunk, mit Gupferl!
Da Wirt håt g´sågt, de gross´n PKW
vor´m Wirtshaus g´hör´n da ÖVP,
weil de håb´n a Versåmmlung, mit ålle Register
und d´Führung håt a Frau Minister.
Wia ma da Wirt in Nåmen sågt,
håb i glei´ d´rauf neugieri´ g´frågt,
du woaßt jå eh, de måg´s recht gern,
håbt´s eh scho´ a Bratl in da Rean?
Mit die Glasl in da Höh´ hoaßt´s Prost,
weil heute gibt´s fia sie nur Toast!
Die liabe Frau zåhlt ålles, Wein und Bier,
eventuell is des Geld dånn eh va mir.
Da Parteiobmånn möcht´ an Ståmmgåst såg´n,
sollt di die Frau Minister nåchher wås fråg´n,
dånn steh´ schö´ g´råd und såg net z´viel,
weil sie red´t eh, und du bist still!
Kam is sie in da Gåststub´n erschienen
sågt der glei, wir werden gewinnen
gnädige Frau K´´domsky die nächst´n Wåhl´n!
In dem Moment hört ma a Stecknåd´l fåll´n!

08.08.08 afra1@gmx.at


 Mundartdatenbank - Gesammelte Beiträge von Mundartautoren und Lesern zum Nachlesen!