Mundartbeitrag von:
Semrau Michael -
3423 St. Andrä
michaelsemrau@aon.at
Alle Mundartautoren
Mundart-Datenbank |
Die Zeit....
Gestern no
Woa er do
da klane Bua –
so kummts ma vua.
Gschlofn hot’a…
Da Großvota
auf’m Buckl
üba’s Bruckl
trogt eam z’Haus –
s’Konzert woa aus.
Heite frih
do siag i
sei Madl hot
an Knutschfleck ghobt.
Bist du, Zeit,
Vagongenheit ?
Sonfta Schmerz
ziagt durchs Herz
Wehmut kennt
no ka End…..
Liabe Zeit,
zeigst ma heit
olles is
relativ.
Ois vageht,
nix besteht…
Olles nua
im Sond a Spua ?
Immahin
innan drinn
etwos bleibt
trotz da Zeit.
Murgn donn
iagendwonn
san Kinda do –
siag i’s no ?
Jung wird oid
oid wird boid
nimma sein….
Oames Schwein…
|
