Mundartbeitrag von:
Affengruber Franz -
3311 Zeillern
afra1@gmx.at
Alle Mundartautoren
Mundart-Datenbank |
Er lebt noch
Da Holzmichl wår in jungen Jåhr´n
vü unterwegs und ma´ håt va eahm erfåhr´n,
er håt an Hauffa Blödsinn g´måcht,
des meiste in da finster´n Nåcht!
A Spåmbbanadl wår fia eahm Pflicht,
vü Såchan wår´n oft nur a Gerücht,
weil d´Leut håb´n oft a guate Fantasie
ban weiter såg´n führt sie Regie!
Seit a påår Jåhr is´s ruhig word´n,
verdåmmt ruhig, is er leicht g´storb´n?
Und wieder geht a Gerücht sei´ Rund´!
In Michl geht´s schlecht, der is net g´sund!
Da Michl liegt krånk dahoam im Bett,
er is spurlos verschwund´n, des is a G´frett!
Mit´n Michl geht´s gånz gach bergå´,
ma´ gspiat´s då san die Leut net froh!
Koana woaß wås da Michl håt,
is der vielleicht ebban tot?
Da Hias sågt er lebt nu, i woaß des g´wiss,
weil i i woaß´s das a nur verheirat´ is!
17.11.2008
|
