Publikationen
Veranstaltungen

Der beste Beitrag wird als "MundArt des Monats" auf dieser Seite und im EuroJournal veröffentlicht!

Aus unserer Mundartdatenbank

Texte - Gedichte - Märchen
Beiträge in und zur Umgangssprache

MundArt des Monats Autor / Beitrag anmelden Veranstaltungen
Links

Mundartbeitrag von:

Affengruber Franz    -

afra1@gmx.at



Alle Mundartautoren
Mundart-Datenbank

Die Schuld ist weiblich!

Bevor wås wåchst, muass ma´s befrucht´n mit an Såm´,
bevor´s auf d´Welt kimmt, håt´s scho´ an Nåm´,
is´s koa Wunschkind, wird´s zur Last,
und d´Leut´ såg´n, Sie håt net aufpasst!

Geht a Kind in d´Schul´ um ´sHålbjåhr´szeugnis
und ma´ siacht´s in die Not´n, dass net g´scheit is,
dånn woaß ma´s glei´, ma´ hört´s vermehrt,
Sie is Schuld, Sie håt eahm nix gelehrt!

Ba kinderlos´n Ehepåår´n
die´s probier´n hundertmål va vorn´,
die wiss´n ´sKinderkriag´n braucht Geduld,
wånn´s går nix wird, dånn håt Sie d´Schuld!

In da Ehe wird die Freud´ zum Frust
da Månn der isst und isst mit Lust,
es dau´t net lång, då is a z´dick,
und Sie håt d´Schuld, a so a Glück!

Håt a si´ auffi g´futtert auf´s Maximalgewicht,
dånn wird des Åbnehmen fia eahm zur Pflicht,
da Erfolg va da Diät is, ma´ siacht seine Knoch´n,
d´Leut´ såg´n Sie kånn jå nix Guat´s koch´n!

Da Månn is weg´n sein Kreuzweh g´storb´n,
mit die Båndscheib´n håt er si´s verdorb´n,
zum Gebet die Händ´ verschrenkt
såg´n d´Leut´, Sie håt eahm nixi g´schenkt!

Sie stirbt eahm hint´nåchi im selb´n Jåhr,
weg´n Einsåmkeit, weil sie is nur alloa!
A Leb´n voller Årbeit! A Leb´n lång Geduld!
Vorm Gråb stengan d´Leut´und såg´n:
„Selber Schuld!“

21.2.2009 Afra


 Mundartdatenbank - Gesammelte Beiträge von Mundartautoren und Lesern zum Nachlesen!