Mundartbeitrag von:

Osterkorn Walter    -
4040 Linz
walter.osterkorn@aon.at

Waun ih net deng

Im Bett deng ih mar oft,
hiaz probier ih amoi,
dass ih nix deng,
oafach goa nix deng.
Daun kau ih bessa eischlafm.

Aba dawei ih deng,
dass ih nix deng,
da deng ih mar,
hiaz deng ih ja scho wieda!

Wei waun ih deng,
ih soid nix denga,
deng ih ja ah.
Und dawei ih aso deng,
wia ih des mach,
dass ih nix deng,
schlaf ih scho.