Mundartbeitrag von:
Osterkorn Walter - 4040 Linz walter.osterkorn@aon.at
Alle Mundartautoren Mundart-Datenbank |
In Prada
Vom Spiaglkabinett aussa -
vawirrt vo de vün Gsichta.
In dGeistabauh eini -
zruckgschreckt in dLiachtn.
Flucht ins Autodrom -
dort zülos in Kroas foahrn.
Wia da Kalafati
ois Ringlspüfigur umadrahn
und de Leit was vorspün.
Achtabauh gschädigt -
Flucht ins Riesnradl.
Abagschaut aum Watschnmau,
der dar so oft de Ehr gibt.
Wieda herunt auf da Erd
und in gaunzn Rumme untageh -
wia a Kieslstoa aum staubign Bodn.
|