AutorIn des Beitrages:
Eder Martina 4600 Wels martina.eder11@tele2.at
Zurück | Weihnacht
Sche kloaweis geht´s der Weihnacht zua,
es rennt ah d´Zeit der Lebmsuhr.
Gern denk ih zruck an d´Kinderzeit,
wo´s war net oillweil so wia heit
und d´Gschäfter voller Sachan san.
Heit lebt so mancher in an Wahn
und glaubt, er muaß woaß Gott was gebm.
Waar´s net vü wichtiger in Lebm,
Zeit z´schenga und a Herzlickeit,
mehr Gfühl zoagn ah uns altn Leit?
Des warmt oan d´Seel und tat so guat!
A offnes Herz bringt wieder Muat
und Liacht in manche finstre Nacht,
wo unser Heiland ´s Heil hat bracht.
|