Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Eder Martina

Frühlingsspaziergang

MundArt des Monats Mundart-Autoren Neueinträge
Beitrag anmelden


AutorIn des Beitrages:


Eder Martina
4600 Wels
martina.eder11@tele2.at

Zurück

Frühlingsspaziergang

Blauer Hümml, warm is´s heit,
nachn Winter macht´s vü Freid,
kannst a wengerl wandern geh
über Wiesn, Wald und Flur,
außi in de grea´ Natur.
´s blüaht ah oilles gar so sche!

Hast koan Grund zan Traurigsei(n),
kannst dih über so vü gfrei(n),
was da glitzert oills in Tau,
gspürst, wia ´s laue Lüfterl waht,
siahgst, wia d´ Sunn sih höher draht,
du beachtest oills genau.

Sollst net z´schnell durch d´ Gegnd hastn,
´s Bankerl ladt dih ei(n) zan rastn.
Sitz dih nieder, los guat zua,
wia d´ Vogerl pfeifm, singan!
Und va Weitn d´ Glockn klingan –
langsam findst dei Ruah.

Hoch van Berg der Wasserfall
rinnt dann weider bis ins Tal.
Hörst nuh, wia der Kuckuck schreit
und en Frühling iazt verkündt,
und du gfreist dih wiar a Kind.
Fürwahr is´s d´ oillerschener Zeit!

 Mundart-Datenbank - Gesammelte Beiträge von Mundartautoren und Lesern zum Schmökern!