AutorIn des Beitrages:

Oberösterreich

Oberösterreich is mei Hoamat und stoiz bin i drauf
wei so sche is's net leicht auf der Welt
und wann i wodawöl war im Verlauf
meines Leb'ns, mei Landl des hat ma hoit gfehlt.

So sche wia's bei uns is, des find't ma net boid,
woanders muasst weit umanand,
muast erst amoi suacha ob da was g'foit,
dahoam hast as ois sche beinand.

Und wann ma mi an der Sprach scho dakennt,
da bin erst recht stoiz dafür
und werd i vielleicht a a Mostschedl nu g'nennt,
dann sag i drauf: Ja mir san mir !

Wia damois Gott Vater sei Werk inspiziert,
hat er g'wiss öfter g'rast't in der Geg'nd,
hat ois umadum mit sein Stecka berührt,
hat si g'freut dran und hat unser's g'segn't.

Herbert Scheibl