AutorIn des Beitrages:
Eder Martina 4600 Wels martina.eder11@tele2.at
Zurück | Enttäuschung
Was bringt mar ´s vüle Gwand in Kastn,
wann d´ Figur net danach is?
Kimmt´s van Älterwerdn und Rastn?
`s kinnt ja sei, daß ih zvü iß.
Iazt geh ih mar was Größers kaufm,
z´teuer soll´s auf koan Fall sei(n).
In Ausverkauf mih abiraufm,
bisd´ ´s Rechte findst, des is a Pei(n).
Af d´ Letzt hab ih mar doh was gfundn.
Zan Probiern bleibt schier koa Zeit,
san doh nur verlorne Stundn,
bin doh voller Drawigkeit!
Gschlaucht van Renna und van Suacha
kimm ih schnaufad dahoam a(n).
Beim A(n)probiern möcht ih gleih fluacha:
Ih hab mih bei der Größ´ verta(n)!
|