Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Fischer Wilhelm

Koa Schtülle, Heulige Nocht

MundArt des Monats Mundart-Autoren Neueinträge
Beitrag anmelden


AutorIn des Beitrages:


Fischer Wilhelm
4650 Lambach
wilhelm.otto.fischer@gmx.net

Zurück

Koa Schtülle, Heulige Nocht

Waunn ih dö Zeit, dö Leit
und dö Wöt betrocht,
kaunn ih dös Liad neamma singa
"Schtülle Nocht, Heulige Nocht",

weu so schaut heit,
oh Schreck, oh Graus,
dö "Schtülle Nocht"
in Wiaklichkeit aus:

Weihnochtn, a Fest:
vakitscht, vakaft, varrotn.
Weihnochtn, a Gsöschoft:
vafressn, vasoffn, vagrodn.

Weihnochtn, Leit:
vafoigt, vatriebm, daschossn.
Weihnochtn, Tränen und Bluat:
vatröpföt, vaschpritzt, vagossn.

Iagendwo i da Wöt
gehts hiatzt grod aso zua!
Iagendwo i da Wöt
gibts grod hiatzt koan Friedn, koa Ruah!

UND GENAU DO ISS MA,
IH HEARAT A BOTSCHOFT:

Weihnochtn: a ohnmächtige Mocht,
mittn ba da Nocht.
Weihnochtn: Aufstaund van Lem
gegn a heazloss System.

Weihnochtn: a Sehnsucht.
A Mensch meecht ih sei,
a menschlicha!
Ös eppand ah?

Owar iss ned aso:
Fian Friedn af Eadn
miassad mar erscht in Heazn drei
fiedlicha weadn, menschliche weadn!

WEIHNOCHTN - MENSCHWEADUNG!


 Mundart-Datenbank - Gesammelte Beiträge von Mundartautoren und Lesern zum Schmökern!