AutorIn des Beitrages:
Herzog Julianna 5760 Saalfelden julianna-herzog@sbg.at
Zurück | Mei liabs Kind
I ho mi auf di gfreit,
seit i woas das di hiaz geit.
Wia i di´s erschte moi gschpürt
hot mi des ztiafst berüaht.
Seit i di in deine kloan Äugal gseng ho,
fong de tiafe Liab za dia oh.
Du nimmst Tåog fi Tåog mea Plåoz in mein Läim ei.
Ohne di kunnt i scho glei neama sei.
Du bist mei erschts Gedracht a da Friah
Eischlåofn ohne das i mi um di graa, des ku i schiaga nia.
Du bist mei Sorg , du bist mei Freid
I donk an Herrgott, dass di geit.
Mia hom di begleit scho in fost jeda Lebenslåog
San ba dir, in de guatn und a in de letzn Tåog.
Du bist so gscheit und interessiert,
host vü glernt und ois probiert.
Host di iwaroi schneidig durchegschlåogn
Host es mit de Leit kenna und mit jedn guat vadråogn.
Host an großen Wühn und dazua de Kråoft
So host du in deine jungan Tog scho oiahond gschofft
Mia san so stoiz auf di, bist insa greste Freid
Mia hom di so liab und san dankbar das di geit.
Owa hiaz miassma di loslossn oiwei ebas mehr
und des foit ins no woitan schwer
Oba an Faodn werscht oiwei gspürn
Und der soit di wens not tuat, za ins zruck fiahrn.
Des Band hoast Liebe den mia hom de oiwei gern
Und des soit di beschützn in da Hoamat und in da Fern.
|