AutorIn des Beitrages:
Holl Elisabeth
4600 Wels
elisabeth.holl@outlook.com
Zurück | ´s Fruijoahr is kema
´s Fruijoahr is kema,
boid is wieder Mai,
wo´s d´ na grad hinschaust
wird oiss wieder nei.
Dö Bam treibm hiazt aus,
stehn richtig in´n Saft,
ma kennts aun dö Blattln,
und d´ Sunn gibt eah Kraft.
Dö Bleamal ham aunzogn
eah allerschensts Gwaund,
gaunz bunt is dö Wiesn,
sans aufbliaht oisandd.
D´ Vogal toan singa ,
gebm in Woid a Konzert,
geht’s aussi, losts zua,
ih moan dös is´s wert.
Waunn d´ Vogerl oii singan
und oiss treibt und bliaht,
is d´ Natur voller Jubö,
den ma im Herzn gspiart.
|
