Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

FISCHER Wilhelm

S Moastaweark

MundArt des Monats Mundart-Autoren Neueinträge
Beitrag anmelden


AutorIn des Beitrages:


FISCHER Wilhelm
4650 Lambach
wilhelm.otto.fischer@gmx.net

Zurück

S Moastaweark

Da liawe Gott nochgedocht,
wiara dö Wöt am scheenan mocht.

Ea schofft a grenznlose Fearne,
danoch dö Milliardn Schtearne

und mit sein Schöpfungswoart "Es wearde!"
ruaftar ins Dosein nuh dö Earde.

Dass gmiadli wiad - Gott is a Guada -
schoffta sei Moastaweark : "Dö Muada!"

Dö gfreitn söwa. Eh koa Wunda!
Sö is eahm grotn - und gaunz bsunda:

Dös liawevolle Muadahearz
vaschteht aniadn Kindaschmearz.

Muadahänd und Muadaoarm
hoitns Baby oiweu woarm.

Waunns dös kloane Bauxal glust,
gibt eahm d Muada d Muadabrust.

Iss Kindal kraunk, wiads Tog und Nocht
va seina Muada treu bewocht.

Ois wiara Tigarin, ned minda,
vateidigt d Muada ihre Kinda.

Drum sog ih so laut, dass olle hearn :
"Muadal, du liabs, ih ho di gearn!"

 Mundart-Datenbank - Gesammelte Beiträge von Mundartautoren und Lesern zum Schmökern!