Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Mayr Florian

Zwa Diab

MundArt des Monats Mundart-Autoren Neueinträge
Beitrag anmelden


AutorIn des Beitrages:


Mayr Florian
4300 St. Valentin
joe.gutzelnig@liwest.at

Zurück

Zwa Diab

Es is stockdunkle Nācht -
ka Bsuff heit mehr wācht -
dā kumm i ālsbāld
in an schwārzfinstren Wāld!

I hear hinta ana Fichtn -
wia zwa Leit si scho richtn,
um mi auszuraubn -
na de zwa werd i staubn!

I duck mi obe ins Grās -
im Zick-Zack wia a Hās
schleich i mi leise ān -
wia's ka āndra mehr kānn!

I ziag vira mein Gurt,
denn i bi scho fāst durt -
und schrei: "Außa es Diab,
wānn eich's Lebn is liab!"

Dā stehng'ans de Gstāltn -
und i kānn mi kaum hāltn -
schaun so durchanānd drein,
fāst wia zehn Gsāngsvarein!

Ohne Hemd und ohne Hosn -
geht eahna gānz schen de Dosn!
Ālle zwa im Visier -
sāg i zu eahm und zu ihr!

"Wār net imma alanig -
drum schaut's net so gschamig -
is do des Schenste auf da Wöd,
wānn de Liab heit no zöhd!"

Ziag mein Huat vor de zwa,
und is des Lebn ah schwar,
wünsch i do de zwa "Diab" -
a recht langs mit vü Liab!

 Mundart-Datenbank - Gesammelte Beiträge von Mundartautoren und Lesern zum Schmökern!