AutorIn des Beitrages:
Hörschläger Franz Christian
A-4173 St. Veit im Mühlkreis
franz.hoerschlaeger@aon.at
Zurück | Wos i gern mag
In da Sunn‘ a wenig sitz’n,
ba da Arwat net schwitz’n,
a Bier af’n Tisch,
net unbedingt an Fisch
z’Mittag in da Rein‘,
a Bratl kunnt’s sein.
A Musi mit G’schma,
koan Tschinbumm oda so,
a kurz, enges Klad’l,
a Bussal van Madl,
in sternklarer Nacht.
Unter’n Herrgott sein Dach
a wengal sinnier’n,
a paar Gedanga valier’n
üwa Gott und de Welt
und a bissal a Geld
in da Rocktasch‘n drin,
ja, dann bi i schon z’fried’n. |
